ಸವಾರಿ 2 (2014)

ಚಲನ ಚಿತ್ರ: ಸವಾರಿ 2 (2014)
ಸಾಹಿತ್ಯ: ಜಯಂತ್ ಕಾಯ್ಕಿಣಿ 
ಸಂಗೀತ: ಮಣಿಕಾಂತ್ ಕದ್ರಿ 
ಗಾಯಕರು: ಕಾರ್ತಿಕ್, ಹಂಸಿಕಾ ಐಯ್ಯರ್, ಯಾಝಿನ್ ನಿಸಾರ್ 
ನಿರ್ದೇಶನ: ಜೇಕಬ್ ವರ್ಗೀಸ್
ನಟನೆ: ಶ್ರೀನಗರ ಕಿಟ್ಟಿ, ಶ್ರುತಿ ಹರಿಹರನ್ 



ನಿನ್ನ ದನಿಗಾಗಿ ನಿನ್ನ ಕರೆಗಾಗಿ
ನಿನ್ನ ಸಲುವಾಗಿ ಕಾಯುವೆ
ತೀರ ಬಳಿ ಬಂದ ನೀನು ನನಗೊಂದು
ಸೋಜಿಗದಂತೆ ಕಾಣುವೆ.


ಒಂಟಿ ಇರುವಾಗ ಕುಂಟು ನೆಪ ತೋರಿ
ಬಂದ ಕನಸೆಲ್ಲ ನಿನ್ನದು
ನಾನೆ ಅನುರಾಗಿ ನೀನು ನನಗಾಗಿ
ಎನ್ನುವ ಭಾವನೆ ನನ್ನದು


ಕಣ್ಣಿನಲ್ಲೇನೆ ಹೊಮ್ಮಿದೆ ಕೋಮಲ ಕೋರಿಕೆ
ಮುತ್ತಿನ ಅಂಕಿತ ಬೇಕಲ್ಲ ಒಪ್ಪಂದಕೆ
||ನಿನ್ನ ದನಿಗಾಗಿ||


ಹೆದರುತ ಅರಳಿವೆ ನಾನಾ ಹಂಬಲ
ನಿನ್ನನ್ನೇ ತಲುಪಲು ಮನಸಲಿ ಸವಿಗನಸಿನ
ಸಾಲೇ ನಿಂತಿದೆ ಅಂಗಡಿ ತೆರೆಯಲು
ಎಲ್ಲೇ ನಾ ಹೋದರೂ ಗಮನ ಇಲ್ಲೇ ಇದೆ
ಸನಿಹವೇ ನೀ ಬೇಕೆನ್ನುವ ಹಠವೂ ಹೆಚ್ಚಾಗಿದೆ
ಈಗ ಚಂದ್ರನ ಒಪ್ಪಿಗೆ ಬೇಕೆನಿಸಿದಾಗ ಸಲ್ಲಾಪಕೆ.


ನೆನಪಿನ ಬೀದಿಯ ಎಲ್ಲಾ ಗೋಡೆಗೂ
ನಿನ್ನದೇ ಮೊಗವಿದೆ
ಸಲಿಗೆಯಿಂದ ತಕರಾರಿನ ಸಣ್ಣ ಕೋಪಕೂ
ಬೇರೆಯೇ ಸುಖವಿದೆ
ಇನ್ನೂ ಇಂಪಾಗಿದೆ ಕರೆವ ನಿನ್ನ ಸ್ವರ
ಹೃದಯದಲಿ ಎಂದೆಂದಿಗೂ ಇರಲೀ ಹಸ್ತಾಕ್ಷರ
ಬೇಗ ಮೂಡಲಿ ಮತ್ಸರ ಈ ಭೂಮಿ ಆಕಾಶಕೆ.

*********************************************************************************