ಮಿಸ್ ಲೀಲಾವತಿ (1965)

ಚಲನಚಿತ್ರ: ಮಿಸ್ ಲೀಲಾವತಿ (1965) 
ನಿರ್ದೇಶನ: ಎಂ. ಆರ್. ವಿಠಲ್ 
ಸಾಹಿತ್ಯ: ರಾಷ್ಟ್ರಕವಿ "ಕುವೆಂಪು" 
ಸಂಗೀತ: ಆರ್. ಸುದರ್ಶನಮ್ 
ಗಾಯಕರು: ಎಸ್. ಜಾನಕಿ, ರಾಮಚಂದ್ರ
ನಟನೆ: ಜಯಂತಿ, ಕೆ. ಎಸ್. ಅಶ್ವಥ್, ಉದಯಕುಮಾರ್ 


ದೋಣಿ ಸಾಗಲಿ ಮುಂದೆ ಹೋಗಲಿ

ದೂರ ತೀರವ ಸೇರಲಿ
ಬೀಸು ಗಾಳಿಗೆ ಬೀಳುತೇಳುವ
 ತೆರೆಯ ಮೇಗಡೆ ಹಾರಲಿ ||ಪ||

ಹೊನ್ನಗಿಂಡಿಯ ಹಿಡಿದು ಕೈಯೊಳು,
ಹೇಮವಾರಿಯ ಚಿಮುಕಿಸೆ..
ಮೇಘಮಾಲೆಗೆ ಬಣ್ಣವೀಯುತ,
ಯಕ್ಷಲೋಕವ ವಿರಚಿಸೆ..
ನೋಡಿ ಮೂಡಣದಾ ದಿಗಂತದಿ,
ಮೂಡುವೆಣ್ಣಿನ ಮೈಸಿರಿ....
ರಂಜಿಸುತ್ತಿದೆ ಚೆಲುವೆಯಾಕೆಗೆ,
ಸುಪ್ರಭಾತವ ಬಯಸಿರಿ.... ||1||

ಕೆರೆಯ ಅಂಚಿನ ಮೇಲೆ ಮಿಂಚಿನ,
ಹನಿಗಳಂದದಿ ಹಿಮಮಣಿ....
ಮಿಂಚುತೀರ್ಪುವು ಮೂಡುತೈತರೆ,
ಬಾಲಕೋಮಲ ದಿನಮಣಿ....
ಹಸಿರು ಜೋಳದ ಹೊಲದ ಗಾಳಿಯು,
ತೀಡಿ ತಣ್ಣಗೆ ಬರುತಿದೆ....
ಹುದುಗಿ ಹಾಡುವ ಮತ್ತ ಕೋಕಿಲ,
ಮಧುರ ವಾಣಿಯ ತರುತಿದೆ.... ||2||

ದೂರ ಬೆಟ್ಟದ ಮೇಲೆ ತೇಲುವ,
ಬಿಳಿಯ ಮೋಡವ ನೋಡಿರಿ...
ಅದನೆ ಹೋಲುತ ಅಂತೆ ತೇಲುತ,
ದೋಣಿಯಾಟವನಾಡಿರಿ...
ನಾವು ಲೀಲಾಮಾತ್ರ ಜೀವರು,
ನಮ್ಮ ಜೀವನ ಲೀಲೆಗೆ....
ನೆನ್ನೆ ನೆನ್ನೆಗೆ ಇಂದು ಇಂದಿಗೆ,
ಇರಲಿ ನಾಳೆಯು ನಾಳೆಗೆ .... ||3||

********************************************************************************